ქაოსი ქართველი მეწარმეებისთვის შექმნილი პლატფორმაა და აქ პროდუქტის განთავსება ნებისმიერ ადამიანს შეუძლია. ქაოსის კატეგორიები მრავალფეროვანია, ის მოიცავს როგორც სამკაულებს, ტანსაცმელებს და ჩანთებს, ასევე ხელნაკეთ დეკორატიულ ნივთებს და ალკოჰოლურ სასმელებსაც კი.

პროდუქტის შემქმნა ონლაინ მაღაზიისთვის, ქაოსის გამოყენებით სუპერ ადვილია. მას შემდეგ, რაც დაარეგისტრირებთ თქვენს მაღაზიას ქაოსის პლათფორმაზე, თქვენ შეგიძლიათ მარტივად შექმნათ პროდუქტი და დაარედაქტიროთ ის თქვენი მაღაზიის კაბინეტის გამოყენებით.

ასე რომ, გადახედეთ ამ სტატიას, რათა პროდუქციის შექმნის პროცესს გაეცნოთ:

პროდუქტის შესაქმნელად, გადადით მაღაზიის კაბინეტში და დააჭირეთ პროდუქტებს მარცხენა მენიუდან. ამის შემდეგ დააჭირეთ ღილაკს ახალი პროდუქტების დამატება ზედა მარჯვენა კუთხეში.

გაიხსნება ახალი ფანჯარა, სადაც შეძლებთ შექმნათ ახალი პროდუქტი ყველა დეტალის მითითებით.

პროდუქტის შესახებ ძირითადი ინფორმაციაა სათაური, ფასი, აღწერა. ფასდაკლების ფასი არჩევითია. თქვენ შეგიძლიათ დანიშნოთ ფასდაკლება გარკვეული დროით. ასევე შეგიძლიათ შეიყვანოთ დაწყების თარიღი და დასრულების თარიღი, და გამოიყენოთ პროდუქტის ავტომატური ფასდაკლება. ორივე კატეგორია და ტეგები შექმნილია ადმინისტრატორის მიერ. გამყიდველს კი შეუძლია აირჩიოს ისინი, მისი პროდუქტის ძიების გასამარტივებლად. ასევე შესაძლებელია საკუთარი ტეგის შექმნა და მითითება პროდუქტზე.

მას შემდეგ რაც შეიყვანთ ყველა საჭირო ინფორმაციას, დააჭირეთ ღილაკს პროდუქტის შექმნა. ის შექმნის პროდუქტს და გადაგამისამართებთ პროდუქტის რედაქტირების გვერდზე, სადაც შეძლებთ დაამატოთ მეტი ინფორმაცია თქვენი პროდუქტის შესახებ. თუ გსურთ შექმნათ პროდუქტი და დაუყოვნებლივ დაამატოთ სხვა, დააწკაპუნეთ ღილაკზე “შექმენი და დაამატე ახალი”. მას შემდეგ, რაც თქვენ გადამისამართდებით პროდუქტის რედაქტირების გვერდზე, თქვენ შეგიძლიათ აირჩიოთ პროდუქტის ტიპი: მარტივი ან ვარიაციული. 

ამ ტიპის პროდუქციას არ აქვს ვარიაციები. არის მარტივი, ერთიანი და დამოუკიდებელი, რომელიც არ საჭიროებს დამატებით ინფორმაციას სხვადასხვა ვარიანტის განსაზღვრისათვის.

ვარიაციული პროდუქტი არის პროდუქტი, რომელსაც აქვს სხვადასხვა სახის ვარიაციები. მაგალითად, შეიძლება თქვენ ყიდით სამკაულებს, რომლებიც ხელმისაწვდომია 3 სხვადასხვა ფერის და ზომის. ეს ვარიანტი საშუალებას მოგცემთ დაამატოთ ის ფერები და ზომები, რაც გჭირდებათ. თქვენ შეგიძლიათ დაამატოთ ვარიაციები საკუთარი შეხედულებების მიხედვით, მაგალითად, შეგიძლიათ დაამატოთ მეტალის მასალა ან/და ქვა.

ვარიაციული პროდუქტის შესაქმნელად, აირჩიეთ პროდუქტის ტიპში ვარიუაციული. ამის შემდეგ გამოჩნდება ახალი ველები, სადაც შეგიძლიათ აირჩიოთ ვარიაციები. ვარიაციის ატრიბუტები შეგიძლიათ აირჩიოთ ადმინისტრაციის მხრიდან დამატებულებიდან, ან შექმნათ თავად. ამისთვის ატრიბუტებსა და ვარიაციებში დააჭირეთ ღილაკს დაამატეთ ატრიბუტი. თუ კი არ გსურთ ყველა ატრიბუტის გამოყენება, რომელიც მითითებულია პროდუქტში, თქვენ შეგიძლიათ წაშალოთ ან დაამატოთ ისინი.

ეს ნაწილი შეიცავს ცოტა რთულ ინფორმაციას. არცერთი ველი არ არის სავალდებულო. თუ თქვენ არ გჭირდებათ მარაგების რაოდენობის დამატება და პროდუქტი მარტივი ტიპისაა, მაშინ შეგიძლიათ სრულად გამოტოვოთ ეს განყოფილება. მაგრამ თუ თქვენ ყიდით კაბას ან მაისურს, რომელსაც აქვს მრავალი ზომა ან/და ფერი, მაშინ ეს ნაწილი ყურადღებით უნდა წაიკითხოთ.

პროდუქტის უნიკალური კოდი გამოიყენება პროდუქტის დახარისხებისთვის ბევრი ვარიაციის დროს. ეს საშუალებას გაძლევთ ადვილად იპოვოთ ის პროდუქტი რომელიც გსურთ.

ვთქვათ, თქვენ აწარმოებთ სამკაულებს,  გაქვთ 10 ცალი ბეჭედი და არ გსურთ მიიღოთ 10 შეკვეთაზე მეტი ამ პროდუქტისთვის. თუ ჩართავთ მარაგის მენეჯმენტს და შეიყვანთ 10-ს რაოდენობის ველში, მაშინ 10 ერთეულის შეკვეთის შემდეგ, ეს პროდუქტი ავტომატურად აჩვენებს შეტყობინებას, რომ ყველა გაყიდულია და მარაგში არ არის.

მაგრამ, თქვენ შეიძლება გსურდეთ წინასწარი შეკვეთების მიღება, სანამ პროდუქტის შემდეგ პარტიას დაამზადებთ. ასეთ შემთხვევაში თქვენ შეგიძლიათ ნება დართოთ სისტემას გააფორმოს შეკვეთები მაშინაც კი, თუ მარაგი ამოიწურება. 

ამისთვის კითხვის “შესაძლებელია თუ არა წინასწარ შეკვეთა, როცა მარაგში არაა?” ქვეშ, მონიშნეთ შესაძლებელია ან შესაძლებელია, თუმცა გააფრთხილე მომხმარებელი ამის შესახებ. 

იმისთვის, რომ ტრანსპორტირება ფუნქციონირებდეს თქვენი პროდუქტებისთვის, პირველ რიგში შეიყვანეთ სისტემაში ტრანსპორტირების პარამეტრები. (დამატებითი ინფორმაცია)

მას შემდეგ რაც ტრანსპორტირების პარამეტრებს სრულყოფილად შეავსებთ, შეგიძლიათ დაარედაქტიროთ ეს ინფორმაცია თითოელი კონკრეტული პროდუქტისთვის სურვილის შემთხვევაში.

ძალიან მნიშვნელოვან როლს თამაშობს ტრანსპორტირების წონითი კატეგორიები, თუ თქვენ სხვადასხვა წონის პროდუქტისთვის სხვადასხვა მიტანის ფასის დაწესება გსურთ, ამისთვის პირველ რიგში უნდა მიუთითოთ სხვადასხვა ფასები წონის კატეგორიებისთვის ტრანსპორტირების პარამეტრებში. შემდეგ კი აირჩიოთ პროდუქტისთვის, რომელ წონით კატეგორიას მიეკუთვნება ის. მაგალითისთვის, სამკაულებს, წონა დიდი არ აქვთ და მისი გადაზიდვა შეიძლება 3 ლარი ჯდებოდეს, ხოლო ჩანთის ტრანსპორტირების ფასი 6 ლარამდე გაიზარდოს, მისი წონის გამო. სწორედ ამისთვისაა შექმნილი ეს ფუნქცია.

მოცემული ველის მონიშვნა, შესაძლებლობას გაძლევთ შეცვალოთ გაწერილი ტრანსპორტირების პარამეტრები კონკრეტული პროდუქტისთვის. “დამატებითი გადასახადი” – ში მითითებული თანხა დაემატება იმ თანხას, რომელიც მითითებული გაქვთ ტრასპორტირების პარამეტრებში. “დამატებითი გადასახადი ყოველ დამატებით პროდუქტზე” ის თანხაა რომელიც რამდენიმე მსგავსი პროდუქტის შეძენის შემთხვევაში დაემატება ტრანსპორტირებისთვის ყოველი დამატებით ერთეულზე. ” გამზადების დრო ” -ში თქვენ შეგიძლიათ მიუთითოთ კონკრეტულად ამ პროდუქტისთვის საჭირო გამზადების დრო.

პროდუქტის სტატუსი: პროდუქტის სტატუსი განსაზღვრავს გამოქვეყნებულია პროდუქტი , თუ შენახულია მომავალი დამუშავებისთვის.

ხილვადობა: ხილვადობის ფუნქცია ძალიან გავს სტატუსის ფუნქციას, თქვენ შეგიძლიათ დამალოთ ან გამოაჩინოთ თქვენი გამოქვეყნებული პროდუქტი.

შენიშვნა: შენიშვნაში თქვენ შეგიძლიათ მიუთითოთ ინფორმაცია, რომელსაც მომხმარებელი იმეილით მიიღებს პროდუქტის შეკვეთის შემთხვევაში.

გთხოვთ გაითვალისწინოთ, რომ ახალი დარეგისტრირებული მაღაზიის პროდუქცია არ გამოქვეყნდება დაუყოვნებლივ. მაღალი ხარისხის შენარჩუნების მიზნით, მას ჯერ ქაოსის სპეციალური ჯგუფი დაადასტურებს. დადასტურებისთანავე თქვენ მიიღებთ მეილს ინფორმაციით.

მაინც დახმარება გჭირდებათ? დაგვიკავშირდით